ekinBarri sendotu egiten da Bizkaia with the Talent estrategiaren eraldaketa-enpresarialaren ibilbide gisa

Atzo, 300 enpresa, erakunde eta profesional baino gehiago bildu ziren Bilbao Exhibition Centren (BEC), Bizkaiko Foru Aldundiak bultzatutako Bizkaia with the Talent estrategiaren aurrerapenak ezagutzeko. Jardunaldiak diagnosi argia eta iragarritako neurri zehatzak izan zituen ardatz, eta 20 proiektu elkarlanerako aurkeztu ziren. Halaber, talentuaren nazioarteko lehian lurraldearen posizioa sendotzeko tresna fiskal berriak iragarri ziren.

STEM profilen gabezia egiturazkoan, jaiotza-tasaren beherakadan eta prestakuntza-eskaintzaren eta lan-merkatuaren eskaeraren arteko desorekan testuinguratuta, Aldundiak urrats sendo bat iragarri zuen: bere gaitasun fiskala aktibatzea profil bereizgarriak kontratatzea errazteko.

Neurriaren berri Bizkaiko ahaldun nagusi Elixabete Etxanobek eman zuen. Bere hitzetan, “politika fiskala tresna baliagarria da, eta Bizkaia eragile bereizgarri bihurtzen du. Erabiliko dugu talentuaren erronkari heltzeko: balio erantsia duten profesionalak erakartzeko eta fidelizatzeko, eta horiek lagundu ditzaten gure enpresei trantsizioak garatzen, berritzaileagoak izaten eta lehiakorrago bihurtzen”.

Etxanobek gogorarazi zuen Bizkaiak baduela jada goi-kualifikaziozko profesionalak erakartzeko erregimen berezi bat, bai kanpora joandakoak itzultzeko, bai nazioarteko talentua erakartzeko. “Erregimen hori hobetzeko lanean ari gara, enpresa eta profesionalengana hurbiltzeko, eta Bizkaia lan-merkatu globaleko lurralde erakargarri bihurtzeko”, adierazi zuen.

Horretarako, Bizkaiko Foru Aldundia ari da sektore ezberdinetako enpresekin eta profesionalekin elkarlanean, haien beharrak ezagutzeko eta arau fiskal egokiena diseinatzeko. “Ez dugu soilik titulazio altuetako pertsonez hitz egiten. Begirada zabaldu nahi dugu, kategoria profesional ezberdinetako langileak ere barne hartuta, balio positiboa ekar dezaketenak enpresetan eta lurraldearen lehiakortasuna sendotzen duten proiektuetan.”

Aldundiak aurreikusten du proposamen fiskal hau urte amaitu aurretik aurkeztea Bizkaiko Batzar Nagusietan.

ekinBarri: enpresetan barruko eraldaketaren adibide

Jardunaldia bizirik dagoen estrategia baten erakusleiho ere izan zen, azken bi urteetan aktiboki garatzen ari dena. Ainara Basurko Ekonomia Sustapeneko foru diputatuak azaldu zituen ekimenaren ardatz nagusiak: “Bizkaia with the Talent gure erantzun estrategikoa da lan-merkatuaren benetako erronken aurrean. Abian jarri zenetik, kezkaz ekintzara igaro gara, eta jadanik 42 eragile publikoren eta pribaturen arteko lankidetza-sarea aktibatu dugu.”

Bizkaiko Foru Aldundiak 10 milioi euroko inbertsioa egin du gaur egun martxan dauden 20 proiektu gauzatzeko. Proiektu horiek honako lan-ardatz hauetan antolatzen dira: erronkaren ezagutza, sentsibilizazioa eta gaitasuna, talentuaren garapena eta lotura, eta erakartzea eta fidelizatzea.

Orain arteko emaitzen artean daude:

• 2 prospektiba-txosten eta 4 diagnostiko-zerbitzu berri
• 57 enpresa gaituta (horietatik t ETEak)
• 115 pertsona formatuta talentu-estrategietan
• 572 pertsona formatuta (129 enpresatakoak, horietatik ? ETEak) garapenean eta pertsonen loturan
• 29 ikasle nazional eta nazioarteko erakarririk, eta 23 enpresa parte-hartzaile talentua erakartzeko eta fidelizatzeko programean

Basurkoren hitzetan, eragin handiena duten proiektuetako bat da ekinBarri, enpresen kultura, antolaketa eta lidergoaren eraldaketa bultzatzen duen ibilbidea. “Ez da prestakuntza klasiko bat, baizik eta metodologia bizi bat, enpresaren estrategia bertako pertsonekin lerrokatzeko aukera ematen duena”, esan zuen Ainara Basurkok.

“ekinBarrik lagundu egiten die enpresei negozio-eredu berritzaileago, iraunkorrago eta parte-hartzaileago baterantz eboluzionatzen. Ongizatea, konpromisoa eta etengabeko hobekuntza ardatz dituen kultura antolatzailea sustatzen du. Tresna honek eragin sozial eta ekonomikoa sortzen du, lankidetza-ekosistemak eraikitzen laguntzen du eta aurrerapena denbora errealean neurtzeko aukera ematen du”.

Pertsonak, erdigunean

Jardunaldiaren une gogoangarrienetako bat izan zen 'Pertsonen kudeaketako ibilbidea' izeneko mahai-ingurua. Bertan, hiru enpresa bizkaitarrek —Mairu, Einnek eta Zunibal— beren esperientziak partekatu zituzten Bizkaia with the Talent estrategiako ibilbide desberdinak aplikatuz.

Bizkaia Talentek moderatutako solasaldiak erakutsi zuen nola ari diren bai ETEak bai enpresa sendotuak pertsonen estrategiak era egituratuan eta malguan lantzen, beren balioekin bat eginez. Employee Journey & Experience‑ren azterketatik hasi eta kulturan, konfiantzan eta lidergoan oinarritutako metodologiak ezartzeraino, hiru ordezkariek azpimarratu zuten taldeak entzute aktiboz artatzea, parte-hartzea sustatzea eta xedea eta emaitzak konektatzea funtsezkoa dela. Leire Jordánek, Einnek-eko pertsonen arduraduna eta bazkidearen hitzetan: 

“Pertsonak nola tratatzen diren da giltzarria talentua erakartzeko eta fidelizatzeko. ekinBarri prozesuak gizatiartzeko tresna bat da, zehaztasun estrategikoa galdu gabe”.

Gaur egun, 100 enpresa baino gehiagok parte hartu dute ekinBarriren programetan, eta horrek erakusten du Bizkaia with the Talent estrategiaren barnean ekinBarri funtsezko ibilbidea bihurtu dela. Jordánek azpimarratu zuenez:

“Arrakasta iraunkorra ez da neurtzen soilik emaitzekin, baizik eta horiek posible egiten dituzten pertsonak nola zaintzen diren"

Einnek enpresaren kasua da ETE batek talentuaren kudeaketa aurreratuko tresnak bere egiteko duen gaitasunaren adibide argia, bere esentzia galdu gabe. “Entzute aktibotik hasita taldearen autonomiaraino, ekinBarrik lagundu digu xedea, estrategia eta pertsonak konektatzen”.

Zunibaleko Zuriñe Larraurik azpimarratu zuen barne-giroaren neurketa etengabeko hobekuntzaren palanka gisa, eta Mairuko Andrea Martínezek baloratu zuen programak konpromisoaren eta ahalduntzearen kultura sortzeko duten gaitasuna, baita egitura txikietan ere.

“Lider bakoitzak egunero borrokatu behar du talentua mantentzeko”

Jardunaldiaren amaierako une nagusietako bat izan zen Sergio Ezamaren hitzaldia, Netflix‑eko Giza Baliabideen Zuzendari Nagusia. Ezamak enpresa global eraginkorrenetako baten kultura azaltzeko gakoak partekatu zituen:

“Talenturik onena lortzen duzunean, kompentsatu egin behar da. Lider bakoitzak egunero borrokatu behar du talentu hori mantentzeko. Arrakasta iraunkorra ez da emaitzetan soilik neurtzen, horiek posible egiten dituzten pertsonak nola lantzen diren ere bai.”

Halaber, autonomiaren, berrikuntzaren eta errespetuaren garrantzia nabarmendu zuen, lan-esparru zorrotzetan kultura korporatiboa eraikitzeko orduan.

STEM arrakala eta jarduteko premia

Jardunaldian diagnosi partekatu baten ondorio nagusiak ere aurkeztu ziren:

• 2024ko lehen hiruhilekoan 1.000 lan-eskaintza digital baino gehiago egon dira betetze gabe
• ETE-en eek zailtasunak dituzte kualifikazio handiko profesionalak erakartzeko
• Azken hamarkadan 1 jaitsi da jaiotza-tasa, eta teknologiako ikasketetan emakumeen parte-hartzea oraindik oso urria da

Egoera horren aurrean, Bizkaiak erantzun argia eman du:

Ekintza koordinatua, inbertsio estrategikoa eta erakundeen eta enpresen arteko lankidetza.

Talentua ez da soldata edo onurak eskainiz bakarrik erakartzen, baizik eta benetako proiektuekin, kultura zintzoekin eta lidergo ausartarekin. ekinBarri bezalako ekimenek erakusten dute enpresa-eraldaketa posible dela, lehiakortasuna galdu gabe, baina pertsonak erdigunean jarrita, ikuspegia eta lidergoa lerrokatuz.